«მე ისევ მეოცნებე ვარ…»

K3YbGZSsnBI

«ოცნება სულ მიყვარდა. ერთი სული მქონდა, როდის გავფრინდებოდი ჩემი სამყაროს ჯადოსნურ სამეფოში და იქ არავინ შემიშლიდა ხელს. ყველაფერი ისე წარიმართებოდა, როგორც მსურდა. როცა არანაირი შეზღუდვა არ არსებობს… როცა ბედნიერება სუფევს… როცა ძალას არ გართმევს ცხოვრებისეული ბოროტება… როცა ოცნებები ასრულებადია… როცა ოცნებები ხდება…

ცას ვეხებოდი თითქოს. კარგი იყო ბავშვობა…

გაზრდას რა დამიშლიდა. ხოდა, ახლა სრულწლოვანი მქვია უკვე. მაგრამ მაინც დავრჩი ბავშვად. რატომ მტკივა კვლავაც? რისთვის ვღვრი მდუღარე ცრემლებს? რა მიწვავს გულს?

პრინცესობა არასდროს მწადდა. ალბათ, ბედნიერი ვიყავი და იმიტომ. არ მჭირდებოდა თვალუწვდენელი ციხესიმაგრე, სამეფო გვირგვინი, აღურაცხელი მოსამსახურე, მდიდრული ჭურჭელი, მუდმივი პირფერობა… გამაჩნდა ზრუნვა, დაფასება, განვითარების საშუალება.

რაც მთავარია, არ მაკლდა — სიყვარული. მშობლების, მეგობრების, ახლოვლების, საყვარელი ადამიანების. მართალია, მერე უფრო დავაფასე…

ასე არავის გამოვტყდომივარ, რომ სწორედ სიყვარულმა დამაწყებინა ლექსების წერა. ანუ, ზოგადად, წერა. თავიდან როგორი სასაცილო ვიყავი, ახლა ვხვდები. ნელ-ნელა კი დავიხვეწე.

მხოლოდ ერთ რამეს ვნანობ — მას ვერ წავაკითხე ლექსები… შემიფასებდა, დამიფასებდა და — გამაკრიტიკებდა! მუდმივად მაძლევდა განვითარების საშუალებას.

ადამიანს დღეში შეუძლია 200,000 — ჯერ იცრუოს. მეც «არ ვუშვებ შანსს ხელიდან». სხვანაირად მიჭირს. ზედმეტად მჭამს შიში, რომ ვერ გამიგებენ. რადგან მეოცნებე დავრჩი. მეზიზღება თავი, რადგან ვერ (არ) მოვიშალე ეს საძულველი ჩვევა. არადა რთული არაა (?).

დავიღალე უკვე. საშვილიშვილოდ (?). ზოგჯერ ვუფიქრდები : ამის გარეშე რა ვიქნებოდი? შემეძლებოდა რამე… გავაკეთებდი რაღაცას… ვიქნებოდი ვინმე…

დრო მიდის. მე შევიცვალე. გავიდა ბევრი წელი. პროფესია მაქვს. სახლი, სამუშაო, ოჯახი, მეგობრები. წერტილებით აივსო სიცოცხლე. არადა მრავალწერტილი დამდევდა სულ. წარსულში. …(?) 

მაგრამ ახლა ვუყურებ ვარსკვლავებ დაყრილ ცას და…

მივხვდი;

მე ისევ ის მეოცნებე ვარ…

«

ასე მთავრდებოდა მისი დღიურის უკანასკნელი ფურცელი (გვერდი)

მიღმა კი ნამდვილი ცხოვრება იწყებოდა…

https://www.youtube.com/watch?v=APeR0kFbIdw

ალბათ ვარდისფერი უფრო მოუხდებოდა.

იცი, მეგობრობამ «შემაწუხა»…

 

მე ხომ სულ გრძნობები მაწუხებს…

ამბობენ, რომ ჩანასახი თავიდანვე გრძნობს ყველაფერს. თითოეული ემოცია, ქმედება მასზე გავლენას ახდენს.  რომ წარმომიდგენია, როგორ იწყებს ცემას მინიატურული გული… შემდეგ იწყება განვითარება; მყარდება დედასთან უკვე რაღაც ზედონის კონტაქტი. მშობელი შვილის ნაწილია და პირიქით. იწყება… რა? რა იწყება? არ ვიცი, რატომ დამაინტერესა. ახსნა ბოლომდე ვერ მოვუძებნე. მაგრამ, ალბათ, ცხოვრებაში პირველი მეგობრობა იწყება. სიყვარული, ზრუნვა, მოფერება, გრძნობების, აზრების, შეხედულებების გაზიარება. შეიძლება პაწუკას ჯერ არ შეუძლია ვერბალური გამოხატვა, თუმცა ანცი ფეხები მოსვენებას ვის მისცემენ?! იცოდით?ჩანასახი შეძლებისამებრ ისევე აღადგენს დედის ორგანიზმში მიმდინარე დარღვევებს, როგორც  მშობელი. საოცარი იდილიაა… სამწუხაროდ, დაბადების შემდეგ ვკარგავთ ხოლმე ამ უპირველეს მეგობრობას…

ის აქაა. სულ შენთანაა. გაწვდილი ხელის მანძილზე ზის, თვალს თვალში გიყრის, სუნთქვა ჩაგესმის, სურნელს გრძნობ. მაგრამ ოთახში არაა. სადაა? ალბათ გონების კუნჭულშია. ღიმილით აღსავსე მზერას გაპყრობს. ბედნიერებით გაჯერებულ სითბოს გიზიარებს. გჟრჟოლავს კი არა, გსიამოვნებს კი არა… დაგივლის მთელ სხეულში, ამოსუნთქვამდე ჩაგატანს და ამოსუნთქვის სურვილი შეგაწუხებს. მე ამას, თქვენი ნებართვით, მეგობრობას დავუძახებ. ნამდვილს, ჭეშმარიტს, , გამოცდილს, სიცოცხლის იქით წასულს, საუკუნეებგანაძლებს, ლეგენდებდაწერილს, პოემაშიშენაქებს…

  • როცა არ ელი, რომ ფრენის დროს რომელიმე ჩამოვარდება
  • როცა ვერ გრძნობ, რომ მარტო ხარ, მაშინაც კი, როცა სრულიად ცარიელია ოთახი
  • როცა გტკივა მისი წარბის შეჭმუხნვა
  • როცა გიხარია მის თვალებში ჩამდგარი მზის შუქი
  • როცა მზად ხარ, გაგლიჯო ნებისმიერი, ვინც უსიამოვნებას მიჰგვრის «უბრალოდ»

როცა… ბევრი როცაა… ყოველში განსხვავებული «როცაა»… არსი კი არ იცვლება .

შენ და ის რჩებით — მეგობრებად. უბრალოდ, უსიტყვოდ, მაგრამ ემოციებით.

თითოეული განშორება სიკვდილის ტოლფასია. ყოველი ჩხუბი სიცოცხლის წუთებს გართმევს. შერიგება მკვდრეთით აღადგენს. საუბარი სულს ატრიალებს.

მორევში ჩაძირვას ჰგავს ეს ყველაფერი. უბრალოდ თავად ხტები ფიორდიდან. უკან მოხედვა საჭირო არაა…

ოდესმე განშორებიხართ მეგობარს? ოღონდ ისე კი არა, ერთმანეთისგან ცოტა ხნით დასვენება რომ გჭირდებათ, კონტაქტი შეგიძლიათ და სხვა მეგობრები გყავთ გარშემო. მუდმივად რომ გინდათ საუბარი, დანახვა, შეხება, გაღიმება. ის კი მიდის; ვალდებულია; სხვა გზა არაა. გითვალიერებიათ სურათები, წაგიკითხავთ მიმოწერა, გადაგიქექავთ მოგონებები? ადრე ბედნიერების მომგვრელი, ახლა ცხარე ცრემლით მატირებელი.

მერე დაბრუნებულან. ნამდვილი მეგობრები ხომ ყოველთვის ბრუნდებიან. სიზმრებშიც და ოცნებებშიც. იქ მაინც, აუცილებლად. ეს ისეთია, სიტყვა ვერ იტყვის. გადმოცემა შეუძლებელია. «როგორ შეიძლება წარმოიდგინო რაღაც, რაც არასდროს გამოგიცდია?» — ზუსტად!

I got all I need when I got you and I,
I look around me, and see a sweet life

არ მინდა გადავაჭარბო, მაგრამ მეგობრობა თავად სიყვარულია. ერთმანეთის სათავე არიან. ერთმანეთის გარეშე არ არსებობენ. ამიტომ ვითვისებთ დედის რძესთან ერთად, იმ დედის, რომელმაც გვასწავლა.  ჩვენში ყველაფერი მოდის საძირკვლიდან… შეუქმენით, შეუცვალეთ, თავიდან ამოუყვანეთ და კაცი გახდება ადამიანი.

 ჩემო მეგობარო!

მე შენ მიყვარხარ!

Screenshot_20170413-201819

P.S. მე ღალატის, მიტოვების, დავიწყების არ მჯერა.

ჭეშმარიტება არასდროს იბამს ბოროტების კუდს.

https://www.youtube.com/watch?v=pfzaE7yvLI0

მე და მე ანუ მე და სხვა

არასდროს არ დაკვირვებიხართ, რომ თქვენში ორ «მე» არსებობს? თქვენ ფიქრობთ დედას და ამბობთ მამას და პირიქით. ვინაიდან ერთ მთლიან ნაწილად სწორედ ამ ორეულების ერთობა გვაყალიბებს. შენ მამა ხარ, რომელსაც უყვარდი და მამაკაცურ საწყისს გაძლევდა. შენ დედა ხარ, რომელიც სიყვარულს, ბუნების საიდუმლოს გასწავლიდა. შეუძლებელია, ეს ნაწილები არ არსებობდეს. უბრალოდ ზოგჯერ ისინი კვდება. მაგალითად, ხანდახან პიროვნება მხოლოდ სიტყვებამდე, ვიღაცის მიბაძვამდე ან გრძნობების თამაშზე დაიყვანება.  თითქოს მათემატიკური განტოლება იყოს… ასეც ხდება, სამწუხაროდ.

რა უნდა იფიქროთ, რომ თუ ერთ-ერთი საწყისი დაკარგულია? ადამიანი სულიერად მკვდრად ან არასრულყოფილად უნდა ჩაითვალოს? უნდა? თუ მე მკითხავთ აზრს, ცალსახად გიპასუხებთ — არა. ევოლუციის უმაღლეს საფეხურზე მყოფი (მეცნიერების თქმით) შეუძლებელია უცებ დაეცეს. საჭიროა დრო, ვითარება, გარემოება, ზეგავლენა. უპირველესად — დრო. მე მჯერა, დიახ, ბოლომდე მჯერა: შეუძლებელია, ცუდი დაიბადო. შეიძლება იყო სხვაზე უარესი, უფრო მძიმე ხასიათით, მეტი სიჯიუტით, მეტი პრობლემით. მაგრამ ბოროტად უნდა იქცე. ეს არჩევანია.

a21eef43ee9e5614c57fa98fbb40e007.gifვითარება, გარემოება და ზეგავლენა ურთიერთკავშირშია. ანი, ბანი, განი… ვინაიდან ადამიანი მარტო არ ყალიბდება, ეს ფაქტორები ღრმად ასობენ ფესვებს მის ბუნებაში. როგორ გაიზრდება? სად? ვისთან ერთად? ვის გაიხდის მეგობრად, მტრად? ვის შეიყვარებს და ვის შეიძულებს? ამას დიდი მნიშვნელობა აქვს; მოწინააღმდეგე ხომ ცუდია თითქოს. მაგრამ თუ ზნედაცემულს იჩერებ გვერდით და ღირსეულს აგდებ? მაშინ? თუ ბოროტება სიყვარულად აქციე და სიკეთე სიძულვილად? ანდა თუ მტერი დაიმოყვარე და მეგობარი გადაიმტერე? ზედმეტად ბევრი «თუ» არსებობს. თითოეულზე პასუხის გასაცემად საჭიროა სათანადო დრო, ვითარება და გარემოება…

ბოლო კითხვა დამრჩა: — ვიცნობ საკუთარ თავს? ვიცი, ვინ ვარ? რა შემიძლია და რა არა? ვარ ადამიანი, თუ არა? სწორ გზას ვადგავარ? იქნებ გადავუხვიე? ანდა რომელია სწორი, მართალი გზა? რა მჭირდება? რას ვჭირდები? მთლიანობაში — მართლა ვინ ვარ? ცალსახად … ? უპასუხოდ მხოლოდ მე ვრჩები.

ახლა თქვენ ილაპარაკეთ…

https://www.youtube.com/watch?v=eWupFyTCuZY