Заметка

თქვენ…

თქვენ…abcd
თქვენ მაჩუქეთ მე პუშკინი, როცა დოსტოევსკი მწადდა (მაკლდა),
თქვენ წამიკითხეთ დიუმა, როცა ბორხესს ველოდი,
თქვენ მომიტანეთ პლანშეტი, როცა გაყვითლებულ ქაღალდს ვეძებდი,
თქვენ წამართვით კალამი, როცა ყველაზე მეტად მჭირდებოდა,
თქვენ ოთახში ჩამკეტეთ, როცა სახლში ნელ-ნელა ვკვდებოდი,
თქვენ დამაკავეთ, როცა ფრთები საბოლოოდ უნდა გამეშალა,
თქვენ გამომაჯანმრთელეთ, როცა გიჟობა მკურნავდა,
თქვენ მიპოვეთ, როცა დაკარგულიც არ ვყოფილვარ,
თქვენ გაგახსენდით, როცა მე სამუდამოდ დაგივიწყეთ;
თქვენ დაასულეთ … — მე კი ახლა დავიწყე …  🙂
P.S. თქვენ, დიახ. თქვენ, ყოფილხართ ადამიანი?

 

Галерея

აკლდამასთან ანუ რექვიემი

«ერთხელ სასაფლაოზე ასვლა დამჭირდა. არადა მეჩხუბნენ, მკვდრებთან რა საქმე გაქვსო?! მკვდრებთან? გარდაცვლილებთან.მიცვალებულებთან. ამ სამყაროსგან მოსვენებულებთან. აი იქ, იქ რაღა ელით, ეს ცოცხალმა არ იცის. მხოლოდ ღვთაებრივმა.

დამჭირდა მსმენელი- წყნარი და უსიტყვო. და წავედი. დამაკლდა და წავედი მაშინ, როცა, ყველას აზრით, არ ღირდა წასვლა. რაში მჭირდება მათი აზრი? არც არაფერში.

მივედი. მივედი და მოვყევი. როგორ არ ესმოდათ ჩემი. ზოგჯერ — არავის. მერე ვიტირე და მოვინატრე, თუმცა შევეგუე. წყნარი გულით წამოვედი. უბრალოდ მაკლდა.

ახლა მხოლოდ წინ უნდა ვიარო. ის გამიძღვება, უფრო სწორად, ანგელოზშესხმულად ქცეული მისი აჩრდილი. არ დამავიწყდება არასდროს. არასდროს ..! »


ასე მთავრდებოდა დღიურის ბოლო ფურცელი და გრძელდებოდა სიცოცხლე. ზოგჯერ — ახალი, ზოგჯერაც — ძველი.

https://youtu.be/izQsgE0L450

უკვე… <3

3a02d86115e0229d8355da9b8a952303

 

 

უკვე დაახლოებით ნახევარი წელი გავიდა, რაც გავიცანი ერთი ადამიანი. გავიცანი და მიხვდი, რომ ის ჩემიანი იყო. რბილი, თბილი და ძალიან საყვარელი. პირველი შეხვედრისთანავე რომ ააწყობ ურთიერთობას, ვერ დალევ სალაპარაკოს და მისგან წამოსვლა არ მოგინდება. იშვიათად, მაგრამ ასეც ხდება. მე გამიმართლა და ასეთი რამ გადამხდა თავს. გავხდი ის იღბლიანი, რომელმაც დღევანდელი იუბილარი, მარიამ ჭელიძე, გაიცნო. შეიძლება, მე ვერ დავიკვეხნი, წლებია ვიცნობ-მეთქი, მაგრამ მაქვს უფლება, ვიტრაბახო: მე მყავს საოცარი მეგობარი.

 

1d6443552fa859448793254ebe70b3d0

 

 

 

სტანდარტული მილოცვის ტექსტები უკვე ამოიწურა, ამიტომ ეს პატარა პოსტი მინდა მივუძღვნა. დიდი არაფერია, მაგრამ… I hope, she’ll like it ^_^

 

 

m01ss025

 

 

 

 

 

No words can describe who you are ❤