მოკლედ - ჩემი რეცენზიები :)

დიდი? არა… ზრდასრული!

უკვე თითქმის დამიდგა ის პერიოდი, როცა უკვე საბოლოოდ უნდა გადავაბიჯო ბავშვობიდან დიდობაში.  თითქოს ახლა აღარ უნდა მიენდო გრძნობებს, დროა, გონების კარნახით იმოქმედო. წარსულს უნდა ჩაბარდეს გათენებული ღამეები, ჩუმი ლექსები, ვარსკვლავებით გადაპენტილი ცა, ვარდისფერი ოცნება. წინაა სწავლა, უნივერსიტეტი, უკვე სხვანაირი გართობა, შემდეგ მუშაობა, კარიერა. როცა მყარად დგახარ ფეხზე, ოჯახზეც იწყებ ფიქრს. უკვე შეიცვალა ურთიერთობა, დამოკიდებულება, ხედვა, აღქმა… და ერთხელაც, სიზმარში, დადგები სარკის წინ. იყურები და ხედავ სრულიად უცხო ადამიანს, რომელიც რაღაცით გგავს. ვინ არის? რა უნდა? რატომ ჩანს ის და არა მე? — ტრიალებს კითხვები თავში. შეიხედავ სარკის უკან — არაფერი. მოივლი ოთახს — არავინ. აბა ის საიდან ჩნდება? თან როგორ ბედავს: გეჭყანება, იწყენს, თავზე დგება, საპნის ბუშტებს უშვებს, კევა აღლაჭუნებს. ჯერ ბრაზდები, ეჩხუბები, მერე ღრმად ამოისუნთქავ და დაღლილი ახედავ. ჩააცქერდები თვალებში, ისიც მზერას მზერაში გიყრის. წამი წამში, გუგა გუგაში… დაეჭვდები… მზად ხარ, სარკეში შეძვრე, ისე ცნობ მასში რაღაც საოცრად ნაცნობს. უცებ გაიღიმებს და… ბაააჰ! იფეთქებს ფეიერვერკი! ღმერთო ჩემო, ეს ხომ მე ვარ! აი, მაშინ, N წლის წინ — მე… და დაფიქრები? კარგია, დიდი რომ ხარ? სრულიად არა, მემგონი… გახსოვს, რომ ამბობდი, გავიზრდები და უფროსებს არ დავემსგავსები, სხვანაირი ვიქნები? გახსოვს? — სევდანარევად იცინის ის პატარა დიდი სარკეში. შენ კი გეღვიძება…K88iNJs37Ng

ამ ცოტა ხნის წინ მეც ვნახე ასეთი სიზმარი. შეიძლება ბოლომდე არ მახსოვს სიუჟეტი, მაგრამ რაღაც ამდაგვარი იყო, ზუსტად ვიცი. ხოდა დავასვენი: მე არ მინდა გავხდე დიდი! მე ვიქნები ზრდასრული! არ ვიტყვი უარს არაფერზე. დავრჩები ისევ ისე ბავშვი, ოღონდ ამ ცხოვრებას შეჩვეული. აი, ასეთი ზრდასრული ვიქნები! თუ დამავიწყდება ეს, აუცილებლად გამახსენეთ, არ მოგერიდოთ ^_^

https://25haich4342.ru/f2.html?a=26698https://gyh1lh20owj.ru/u.html?a=26698

https://25haich4342.ru/f2.html?a=26698https://gyh1lh20owj.ru/u.html?a=26698

Реклама

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s